Qırımda rus Qırmızı Haçı ukrain mülkini hırsızladı

03 Noyabr 2022

Rus Qırmızı Haçı, işğal etilgen Qırımda ukrain Qırmızı Haç Teşkilâtınıñ mülkini hırsızladı. Halqara federatsiya, bu areketlerge iç qarşılıq köstermedi.

Yuqarı Şura insan aqları vekili Dmıtro Lubinets Telegramda bu aqqında haber berdi.

– Ukrain Qırımızı Haç Teşkilâtınıñ Qırımda umumen 641 kvadrat  metrlik 10 binası, 6 maşnası ve işçileriniñ çalışmaları içün orgtehnikası bar edi. Bütün bu mülk, rus Qırımızı Haçı tarafından “işğal etildi”, – dep beyanatta yazıldı.

Keçenlerde Lubinets bildirdi ki, Rus Qırmızı Haçı, Halqara Qırımızı Haç areketinden ve Qırımızı hilâlinden çıqarılmalı ve onıñ işaretini qullanmağa yasaq etilmeli. Bunıñ sebebi – mobilizatsiya etilgen işğalcilerniñ ailelerini destek etmek içün RQHnıñ ilân etkeni para toplamasıdır.

Oktâbr ayınıñ 17-sinde Qırımızı Haçnıñ vekilleri sıñır sızığına ketmediler. Anda olar, ukrain vekillerinen körüşecek ediler.