Qırımda işğalge qarşı areketniñ beyannameleri tarqatıla

10 Noyabr 2022

Vaqtınca işğal etilgen Aqmescit şeerinde rus tecavuzcılarına qarşı areket yañı beyannamelerni tarqattı.

“Sarı şeritçik” areketi Telegramda bu aqqında haber berdi.

– Qırım, Ukrainanıñ parçasıdır! “Jovta striçka” areketiniñ faalcileri vaqtınca işğal etilgen Aqmescitte çalışmağa devam eteler. Bizim faalcilerimiz inanalar ki, Ukraina öz topraq bütünligini keri alacaq, – dep yazıldı.

Faalciler, areketine qatılmağa da çağırdılar.