Qırımda işğalciler faaclini “akimiyetke ürmetsizlik” sebebinden maküm etecekler

17 Mart 2023

İşğal etilgen Qırımda içtimaiy jurnalist Rolan Osmanov üzerinde makeme olacaq.

Osmanovnıñ QIRIM.Newske añlatqanına köre, makeme tarihı telefon vastasınen ögrenecek.

“Halq ögündeki bolşuqta akimiyetke ürmetsizlik” maddesini bozğanı içün qırımtatar qabaalana. Saban ayınıñ 15-inde evi tintilgen soñ Aşırıcılıqqa qarşı merzkde oña qarşı protokol tizildi.

İçtimaiy ağlarda postında sanki yazdı ki, iç bir çar uğrunda ölmege, öldürmege deymez ve iç kimse onı buna mecbur ete bilmez.

Tintüv aqqında Osmanov añlattı ki, Bağçasaray rayonındaki demiryolnıñ bozulmasınen bağlı edi, ve evinde quvetçiler patlayıcı maddelerni ve maqbul malzemeler qıdıra ediler.

– Olar evine zornen kirip, pek arsız şelikde özlerini tuta ediler. Maña buğavlar taqtılar, tabanğa tüşürdiler. Kimse vesiqasını almadı. Maña advokatıma telefon etmege imkân bermediler. Buyruqnı kösterip tintmege başladılar. Tintüv vaqtında anam özüni yaramay duymağa başladım. Onıñ basımı arttı, o başı aylandı. Acele yardım çağırmağa mecbur oldım ve Allaha şükür er şey yahşı, – dep ayttı.

Rolan Osmanov tüşüne ki, Qırımda repressiyalarnıñ sebebine saip olmaq içün tamam böyle mahsus hızmetler tarafından Bağçasaray rayonındaki demiryolnıñ bozulması kibi diversiyalar yapıldı.