Qırımda “göñülli müfzereler” peyda olğan soñ Çubarov, casus hastalığı olacaq dep kelecekte haber bere

06 Mart 2023

Qırımtatar Milliy Meclisiniñ Başı Refat Çubarov tüşüne ki, vaqtınca işğal etilgen Qırımda “göñülli müfzereler” peyda olğan soñ casus hastalığı da peyda olacaq.

Telemarafonnıñ canlı yayınında böyle fikirini bildirdi.

Çubarovnıñ sözlerine köre, bütün bu doquz sene devamında Qırımda işğal akimiyeti, cemaatnıñ qorqu çekmesi içün, insanlar aqqında hızmeti boyunca haber bermege rağbetlendire edi.

– Olar qırımtatar toyları, ukrain yırları aqqında haber bere ediler. Olar içtimaiy ağlarnı nezaret eteler ve anda rus akimiyeti içün telükeler tapalar… Şimdi de Qırımnıñ azat etilmesi qaçınmaz olğan soñ işğalciler bunı teşkil etilgen gruppalarğa şekillendirmege isteyler. Biz bilgiler aldıq ki, olar nasıl yañıdan idarecilerni körecekleri, qalabalıq yerlerde diversiyacılarğa benzegen insanlarnı tapacaqlarını ögrenecekerl. Ne qadar büyük casus hastalığı başlaycağını tasavur etem, – dep Meclisniñ başı ayttı.

O qayd etti ki, “göñülli müfzereler”ni teşkil etüvniñ maqsadı – cemaatta kerginlk pekitmek, ealini qorqutmaq ve işğal akimiyeti organları etrafında ealini mobilizatsiya etmektir.

– Men tüşünem ki, olar qırımtatarlar ve qavmiy ukrainalılarnıñ ruhiyatını pek yahşı añlamaylar. Qırımda işğalciler, Qırımnı tutmağa yönelgen (qale inşaalarını quruv, böyle “müfzereler”ni teşkil etüv) ne qadar çoq areket etseler, insanlarğa o qadar maneviy ruh artar, olar Qırımnıñ azat etilmesini bekleyler, – dep Çubarov qayd etti.

Haber berildi ki, Ukraina Silâlı Quvetleriniñ Baş ştabı bildirdi ki, Aqmescit şeerinde işğal akimiyeti, ukrain taraflı areketniñ faalleşmesinden qorqaraq, böyle degen “göñülli müfzereler” teşkil ete.