Qırımda “Celâla ve Ahmetov ağalarınıñ davası”nıñ diñleyicileri tutuldılar

27 Iyül 2023

^{Foto: Qırım birdemligi} 

İşğal etilgen Aqmescitte makeme binası yanında 13 insan tutuldı. Olar, diversiya sebebinden qabaatlanğan Meclisniñ başınıñ muavini Nariman Celâl ve Ahtemov ağalarına ükümniñ apelâtsiyasına dair oturışnıñ diñleyicileri olaraq keldiler, dep “Hromadske radio” haber berdi.

Tutulğanlar aralarında eki jurnalist – “Gratı”nıñ mühbiri Lütfiye Zudiyeva ve “Hrani”niñ jurnalisti Kulamet İbraimov. Qayd erildi ki, olar quvetçilerge matbuat kartlarını kösterdiler, amma olarnı er kesmen beraber tuttılar.

Tutulğan insanlar – Celâl ve Ahtemovlarnıñ aqrabaları ve dostlarıdır. Olar maznunlarnı destek etmek içün “makeme”ge keldiler, amma işğal etilgen Qırımnıñ böyle degen Yuqarı makemesiniñ “başı”nıñ emrine mücibi iç kisme içine yiberilmedi.

Er kes şikâyet arızasını yazğan soñ politsiya hadimi bildirdi ki, nevbetçige şikâyet sebebinden telefon ettiler, bunıñ içün er kes tutulacaq. 13 tutulğan insannen, şu cümleden jurnalistlernen, avtobus politsiyanıñ rayon bölügine ketti.

Advokat Edem Semedlayev, politsiya binasına keldi.

«Politsiya hadimleri, mecburiy tiposkopiya yapmağa ve foto çıraqmağa isteyler. Jurnalist Lütfiye Zudiyev qayd etti ki, Demiryol rayon politsiya idaresiniñ işçileriniñ areketleri qanunsız ediler. Dialoskopiya yapmağa ve foto çıqarmağa red etti”, – dep bildirildi.