Qırımda “arbiy komissarlar” Ukrainağa qarşı cenkte ölgenlerniñ bedenleri vastasınen para qazanalar

17 Avgust 2023

İşğal etilgen Qırımda “rus arbiy komissarları” rusiyeniñ Ukrainağa qarşı cenkte ölgenlerniñ bedenleri vastasınen para qazanalar. QırımSOS bunı öz menbalarından ögrendi.

Bilgilerine köre, “rus arbiy komissarları”, cenkleşkende ölgenlerniñ bedenlerini Aqmescit şeerindeki cesetlikke ketireler. Faqat aynı zamanda aqrabalarına haber bereler ki, bedenni arbiy areketler yerlerinde taptılar ve onı Qırımğa ketirmek kerek.

Bedenniñ Qırımğa sanki ketirilmesi içün aqrabalarına tahminen 100-150 biñ ruble ödemege teklif eteler. “Komissarlar”, bedenniñ oñaytsız bir yerde bulunğanı ve kelecek ketirilmesi de çoq problemalı olğanı ve bunıñ içün çoq zaman bekleyceklerini aytıp, böyle yüksek fiyatnıñ sebebini añlatalar. Şimdi aqrabalardan üç-dört bu tür para talabı vaqiası belli oldı.