Qırım platformasınıñ üçünci sammiti başlandı

23 Avgust 2023

_{Fotosuret: UNIAN}

Arman ayınıñ 23-ünde Kıyivde Qırım platformasınıñ üçünci sammiti başlandı. Sammitniñ esas meselesi – Qırımnıñ kelecegi, yarımadanı arbiy usulnen işğalden azat etüvdir.

Üçünci Qırım platformasına 100 ülkeniñ vekilleri davet olundı. Beklenilir ki, keçken senelerge baqıp, Global Cenüp ülkeleriniñ daa çoq vekili kelecek, dep Suspilne yazdı.

Bu sene meydançıqta ukrain ükümetçileri, yañı Qırımnı işğalden azat etüv strategiyasını taqdim etecekler. Bundan ğayrı, 2023-sammitte vaqtınca işğal etilgen topraqlarnıñ yañıdan qurulması içün yañı fondnıñ teşkil etmesini baqacaqlar.

Qırım platformasınıñ üçünci sammiti, dört şekilde olacaq: devletlerniñ liderleri seiyesinde körüşüvler, parlament sammitleri, mütehassıs körüşüvleri ve tış işleri nazirleriniñ oturışları.

Ukraina Prezidenti Volodımır Zelenskıy, Qırım platformasınıñ üçünci sammitiniñ işiniñ başlanğıcını ilân etti. Bu sene sammitte 63 devlet, haqlara teşkilât, Avropa ve Asiya, eki Amerika ve Afrika ülkesiniñ vekilleri iştirak etti.

“Qırım Platformasınıñ esas vazifesi nasıl? İşğalden azat etüvni azırlamaq. Qırımğa nasıl qayatcağımıznı añlaymız. Er şey yapmaq içün qaç adım yapmaq kerekligimizni añlaymız. Bunıñ ne qadar çoq vazife olğanını añlaymız, amma biz bu yolnı köremiz. Qırım – Qara deñizniñ telükesine bir anahtardır. Terrorcılarnıñ ellerinde anahtarlarnı qaldırmaq mümkün olmay. Ve biz qaldırmaycaqmız”, – dep ayttı o.

Prezidentniñ sözlerine köre, Ukrainanıñ cenk transformatsiyası, Qırımğa deñişmelerni temin etecekler. Mezkür deñişmeler, tek bir mevsimde degil, bütün sene boyunca oña çalışmağa ve iqtisadiy tarzda özüne çekici olmağa yardım etecekler.