Qırım platforması-2024niñ keçirilecek yeri belli oldı

27 Fevral 2024

Bu sene Latviyada Ukraina, Qırım platformasınıñ parlament sammitini keçirecek.

“Ukraina. 2024 senesi” forumı çerçivesinde Yuqarı Şurasınıñ Başı Ruslan Stefançuk bu aqqında haber berdi, dep Ukrinform bildirdi.

“Keçken eki sene Parlamentler, Qırım platformasını keçirüv ğayesini faalca destek ettiler”, – dep qayd etti o.

Ukrain parlamentiniñ nutuqçısı hatırlattı ki, 2023 senesi bu parlament sammiti Çehiya Cumhuriyetiniñ Praha paytahtında keçirildi. Anda dünya ülkeleriniñ 70 parlamenti ve parlament teşkilâtı toplandı.

“Bu sene bu sammitni Latviyada keçirecekmiz”, – dep Stefançuk haber berdi.