Qırım mekteplerindeki bombalardan sığınaqlar, talebelerniñ ana-babalarınıñ parasınen abadanlaştırıla

16 Noyabr 2022

İşğal etilgen Qırımdnıñ mekteplerindeki sığınaqlar, talebelerniñ ana-babalarınıñ parasınen abadanlaştırıla. QırımSOSnıñ reberliginiñ başı Oleksiy Tilnenko bu aqqında haber berdi.

– QırımSOSnıñ ögrengenine köre, Qırımdaki mekteplerde ana-baba toplaşuvlarında sığınaqlarnı abadanlaştırmaq içün  biokenefler, suv maşnaları ve ilâçlıqnı almaq maqsadınen para bermege çağıralar, – dep Oleksiy Tilnenko añlattı.

Mevcut malümatqa köre, yarımadanıñ şeerlerinde tek mekteplerde degil, em de AV merkezlerinde, büyük tükânlarda ve cemiyet yerlerinde sığınaqlar abadanlaştırıla. Keçenlerde Qırımda “qarşılıqnıñ orta seviyesi” kirsetildi – bu, rusiyeniñ yañı uquqiy rejimini yaratmaq ıntıluvıdır. O, cenk vaziyetine beñzey, amma cenk vaziyeti resmiy olaraq adalandırılmay.