Qırım köpründeki patlamanıñ neticeleri: işğalcilerniñ alı yaramaylaştı

17 Oktâbr 2022

Qırım.Aqiqat haberdar etti ki, oktâbr ayınıñ 8-inde Qırım köpründeki patlamadan soñ cenübiy yönelişteki  rus askerleriniñ vaziyeti pek yaramaylaştı, dep telemarafonınıñ canlı yayınında “Pivden” acele idaresiniñ vekili Nataliya Humenük bildirdi.

– Olarnıñ (işğalcilerniñ – muarrir) silânen, eşyalarnıñ ketirilmesinen, logistikanen bağlı vaziyeti pek kritik, çünki kerkeçten de yedekler şu yer vastasınen ketirile edi. Bu teminatnıñ deyerli 75%-i tamam Qırım köprü vastasınen yollana edi. Şimdi deñiz de bizim tarafımızdadır, atta tabiat olarnıñ muvafaqiyetli olmalarına qarşı tura, çünki paromlar bile şiddetli ruzgâr sebebinden toqtatıldı, – dep Humenük qayd etti. 

Onıñ sözlerine köre, cenübiy yönelişte rus askerleri, silâ ve arbiy tehnikanıñ kemligini yaşaylar.

Oktâbr ayınıñ 8-inde Keriç köprün patladı.

Rus taqiqatçılarınıñ fikirlerine köre, köpürde yük maşnası patladı. Bunıñ neticesinde de eki maşna yolu bozuldı ve köpürniñ demir yolunda yanğın peyda oldı.

Ukraina prezidentiniñ ofisiniñ başınıñ mesleatçısı Mıhaylo Podolâk qayd etti ki, “Putinniñ mahsus leyhası”nıñ patlaması – ruslarnıñ ve arbiy reberlikniñ, Rusiye TFHniñ yapqanları bir şeydir.