Qırım köprü bir sene içinde tamir etilmeycektir – ruslarnıñ manasız ğayretleri aqqına Britaniya istihbaratı

09 Noyabr 2022

Rus işğalcileri Qırım köprüni tamir etmege tırışalar, amma 2023 senesi sentâbr ayından evel bunı yapmağa becermeyceklerdir. Büyük Britaniya Mudafaa nazirliginiñ istihbaratınıñ esabatında bu aqqında yazıldı, dep Lb.ua haber berdi.

Bildirildi ki, noyabr ayınıñ 8-inde köpürniñ inşasınıñ 64 metrlik parçasını deñiştirmek içün maşna köprü qapatılacaq edi.

Umumen yolnıñ bozulğan parçalarını deñiştirmek içün köpürniñ inşasınıñ üç parçası kerekecektir. Qırım işğal akimiyeti inandırdı ki, dekabr ayınıñ 20-sine qadar bu inşa parçaları tikenecektir. Faqat bundan soñ qayd etti ki, başqa maşna yolundaki çalışmalar neticesinde 2023 senesi mart ayına qadar maşnalar ketemeyceklerdir.

– 2023 senesi sentâbr ayına qadar demiryol köprüniñ bozulğan parçası deñiştirilecektir, amma rf vitse baş naziri bildirdi ki, çalışmalarnıñ muddeti çabikleştirilecek. Bir çığır açıq, amma demiryol naqliyatınıñ areketi alâ daa sıñırlanğandır. Tamir çalışmaları çoq alda ava şartlarından bağlı olacaqtır, – dep beyanatta yazıldı.