Qara deñizde “Kalibr”lerniñ rus taşıyıcıları arbiy azırlıq alındadır

19 Iyün 2023

Qara deñizde üç rus gemisi arbiy azırlıq alındadır, olardan biri – “Kalibr” qanatlı raketalarnıñ taşıyıcısıdır, dep Ukraina Silâlı Quvetleriniñ Arbiy-deñiz quvetleri haber berdiler.

– Azaq deñizinde bir duşman gemisi; Aq deñizde arbiy azırlıq alında sekiz duşman gemisi buluna, olardan biri – “Kalibr” qanatlı raketalarnıñ taşıyıcısıdır, umumen bir kerede 16 raketağa qadar, – dep Qırım.Aqiqat haber berdi.

Bozarğan aynıñ 19-inde gece maalinde Rusiye Ukrainağa daa bir kere ateş açtı, şu cümleden Qara deñizden Odesa vilâyetine dört “Kalibr” raketasını uçurıp ateş açtı. Ava mudafaa quvetleri epsilerini yoq etti, dep ukrain askerleri bildirdiler.