putin, Ukrainağa kütleviy ücümlerniñ Qırım köprü içün bir intiqam olğanını tasdıqladı

10 Oktâbr 2022

Rus diktatorı volodımır putin, oktâbr ayınıñ 10-unda saba maalinde ukrain şeerlerine ve kritik astyapı obyektlerine ateş açqanını tanıdı, dep UNİAN yazdı.

Ruslarğa muracaat etkende putin bildirdi ki, energetika ve sanki “arbiy idare ve alâqa” obyektlerine ateş açtı.

– Bugün saba mudafaa nazirliginiñ teklifinen ve rusiyeniñ baş ştabınıñ planına mücibi Ukrainanıñ enegretika, arbiy idare ve alâqa obyektlerine ava, deñiz ve ast topraqlı bazalanğan uzunluq yüksek maqsatlı silânen kütleviy olaraq ateş açıldı, – dep ayttı.

Bu muracaatta putin Ukrainağa yañı ücümlernen qorquttı ve ukrain şeerleriniñ saba terrorınıñ Qırım köprüniñ patlanmasınen bağlı olğanını tanıdı.

– Topraqlarımızda Rusiyeniñ teraktlerni yapmağa ınıtıluvları devam etse, cevaplar şiddetli ve miqdarğa köre Rusiye Federatsiyasınıñ yapqanı telüke seviyesine aynı olur, – dep Kremlniñ diktatorı cevap berdi.