putin, Stalinniñ siyasetini devam ete – Çubarov

20 Mart 2023

Yarımadanıñ rus işğaliniñ deyerli ilk künlerinden berli qırımtatarlar, rfnıñ cezalandırıcı organları tarafından repressiyalar ve taqiplerniñ obyekti oldılar. Ukrainanıñ topraq bütünligini qaytaruv meselesi – tek halqara uquqnı ve ruhunı riayet etüv degil, Ukraina devletiniñ, ukrain milletiniñ ve qırımtatar halqınıñ kelecegini de riayet etüvdir. FREEДОМ telekanalınıñ canlı yayınında Qırımtatar Milliy Meclisiniñ başı Refat Çubarov bunı bildirdi.

– Bunıñ sebebi – yarımadada o qadar birleşken qırımtatarlar, rus ordusınıñ tecavuzına qarşı kütleviy olaraq çıqtılar, irişim ala bilgenleri narazılıq şeklinde azapsız tarzda çıqtılar. Ve añlayışlı ki, rus işğal akimiyeti, qavmiy ukrainalılarnı kibi qırımtatar halqını Qırımnıñ ealisiniñ loyalsız qısmı olaraq tanıdı. Ve bunıñ içün Qırımda bu repressiyalar, taqiplerniñ maqsadı – Ukraina devletine sadıq qalğan insanlarnıñ qorquları vastasınen tesirdir, – dep ayttı.

Çubarov qayd etti ki, rus ordusınıñ tolu miqyaslı tecavuzından soñ Ukainanıñ qıtaviy topraqlarına da bu repressiyalar tarqatıldı.

Onıñ firkince, Qırım – Ukrainanıñ bütün topraqlarınıñ azat etlimesine bir anahtardır, ve o endi bu sene ola bilir. Ukrainanıñ topraq bütünligini qaytarmadan rusiyenen añlaşma vastasınen bu cenkni bitirüv ıntıluvı – cenk, telüke kelecekke qoyuv ve rusiye tarafından revanş demektir.

– rusiyeniñ Qırım üstünde kontrolınıñ devamı – qırımtatar halqını keskekes yoq etüvdir. Halqımıznıñ 300 biñ insanı qaldı, ve biz zornen Vatanımıza qayattıq. Ve mında rusiye Qırımnı yañıdan işğal etti, ve putin kerçekten Stalinniñ siyasetini devam ete  – qırımtatarlarnı yoq ete, – dep Çubarov ayttı.