Ukrayina delegatsiyasınıñ vekilleri Türkiye vitse-prezidentinen körüştiler

14.04.2025

Çiçek ayınıñ 12-nde Antalya diplomatik forumı çerçivesinde Meclisniñ reberligi ve Ukrayina halq mebusları Türkiye Cumhuriyetiniñ vitse-prezidenti Cevdet Yılmaznen körüştiler.

Körüşüvde Qırımtatar halqınıñ lideri, Ukrayina halq mebusı Mustafa Cemileva, Qırımtatar Milliy Meclisiniñ reisi Refat Çubarov, Meclis reisiniñ muavini, Ukrayina halq mebusı Ahtem Çiygöz ve Ukrayina halq mebusı Mıkola Knâjıtskıy iştirak ettiler.

Körüşüvni izaatlap, Meclis reisi qayd etti ki, körüşüvde em Ukrayinanıñ suvereniteti ve topraq bütünligini qorçalavda Türkiye tarafından destekniñ quvetleştirilmesine, em de azat etilgen Qırımnıñ Ukrayina devletiniñ ayırılmaz parçası ve tamır Qırımtatar halqınıñ vatanı olaraq kelecegine doğrultılğan meseleler muzakere etildi.

Siyasiy sebeplerden qabaatlavlarğa binaen azatlıqtan marum etilgen Kreml mabüsi olğan yüzlerce Ukrayina vatandaşınıñ ağır vaziyeti ve olarnıñ azat etilmesine yardım etecek teklifler muzakere etildi.