Patlamalardan soñ rus mebusları ailelerini Qırımdan alıp keteler

26 Iyül 2024

Ukraina Mudafaa quvetleriniñ Qırımdaki arbiy obyektlerge semereli ateşlerinden soñ rus mebuslarınıñ aileleri yarımadadan tezce ketmege başladılar. Ukraina Mudafaa nazirliginiñ Baş istihbarat İdaresiniñ vekili Andriy Yusov bu aqqında haber berdi, dep Qırım.Aqiqat bildirdi.

“Soñ vaqıtlarda Ukraina Havfsızlıq ve Mudafaa quvetleriniñ bir qaç semereli areketlerinden, şu cümleden arbiy logistikağa ateşlerinden, soñ yañı dağla olğanını (rus mebuslarınıñ aileleri yarımadadan ketmege başlağanını) ayta bilemiz”, – dep Yusov ayttı.

O qoştı ki, em Rusiye askerleri, em de adiy mebusları ailelerini Qırımdan alıp keteler, ve bu ceryan olıp tura.

Keçenlerde Ukraina Silâlı Quvetleriniñ baş komandanı Oleksandr Sırskıy britan The Guardianğa intervyuda işğal etilgen yarımadanı Rusiyenen bağlatqan Keriç köprüni yoq etüv müddetini aytmağa red etti, amma qayd etti ki, Kıyiv Qırımnı qaytarmağa planlaştıra.