Ömür işimdir – Jamala “QIRIM” albomı aqqında

05 Aprel 2023

Mayıs ayınıñ 5-inde Milliy operada Jamala, qırımtatar medeniyetine bağışlanğan “QIRIM” yañı albomını taqdim etecek. Kıyivde Volodımır Sirenkonıñ reberliginen Ukraina milliy simfoniya çalğı taqımınen beraber albom taqdim etilecek. Vogue bu aqqında haber berdi.

QIRIM 14 eski yırnı birleşe, olardan er biri – ukrain yarımadasınıñ muayyen yerini tasvir ete. Sırlı dağlardan ve insansız çöllerden şamatalı deñiz qasabalarına Jamala diñleyicilerge Qırımnı köstere. Yırcı er bir eserni, eviniñ farqlı köşelerinden onlarca sene devamında toplay edi. Bu araştırmanıñ müellifdeşi, tamam Qırımnıñ halqı oldı – 80den çoq muzıkacı, albom üzerindeki işke qatıldı.

– QIRIM – özümizni tanımaq içün parça-parça toplağanımız tarihımız aqqında bir albomdır. Senelerce qannen ağlağan medeniyetimizni ögrenmek içün. Yañı albom, ukrain Qırımnıñ yollarına qapı aça ve keçkende belli olmağan ya da unutılğan ananeviy süjetlerni añlata. Tamam böylece men, Ukrainanıñ dünya içün yanğıramasını isteyim, – dep Jamala tefsir etti.

Kıyivden soñ EuroFestival çerçivesinde BBC Philharmonic Orchestra beraber Jamala albomını Liverpulde taqdim etecek.