Olena Zelenskanıñ Qırımdaki dairesi Moskvalı qadınğa satıldı

31 Oktâbr 2023

Moskvalı Olga Lıpovetska, Prezidentniñ apayı Olena Zelenskanıñ Yaltadaki dairesini aldı. Daire içün 44, 3 million ruble (şimdiki para kursına köre tahminen 476 biñ dollar – Gazeta.ua) ödedi.

Onıñ aqayı, advokat İvan Tuçkov, Moskva Merkeziy memuriy bölgesiniñ içeri işler idaresinde çalışa edi, dep rus Telegram kanalları haber berdiler.

Birinciden qırım akimiyeti, Zelenskanıñ üç odalı dairesini milliyleştirdi, bundan soñ ise auktsionta taqdim etti.

“GİS “Torgı” platformasında bildirildi ki, Livadiya şşq (Yalta) Baturına sq., 44 A, daire 501, 119,5 kv. m meydanlıq bir mülk satılır. Daireniñ başlanğıç fiyatı 24,6 million ruble edi. Moskvanıñ eki sakini onı almağa istedi. Neticesinde raqibine köre 1,2 million rublege çoq teklif etken Lıpovetska qazandı.

Lıpovetska añlattı ki, olar “balalarnıñ yahşı qırım iklimde yaşamaları maqsadınen özü içüm daireni qıdırğan adiy bir ailedir”. Qadın tüşüne ki, bu daire “özüne ayrı bir diqqat celp etmemeli”.