Nariman Celâlnı TFHniñ taqiqat izolâtorına ketirildi – Qırım Ğayesi

12 Mayıs 2023

Qırımda gaz borusında diversiya aqqında davağa mücibi maküm etilgen qırımtatar siyasetçisi ve faalcisi Nariman Celâlnı TFHniñ taqiqat izolâtorına ketirildi.

Siyasiy mabüslerni qorçalağan advokatlarğa atıf eterek, içtimaiy uquq qorçalayıcı birleşme Qırım Ğayesi bu aqqında haber berdi.

– 17 senege maküm etilgen Qırımtatar Milliy Meclisiniñ başınıñ ilk muavini Nariman Celâlnı TFHniñ taqiqat izolâtorına ketirildi. Siyasiy mabüslerni qorçalağan advokatlar bunı añlattılar. Hatırlatamız ki, keçken sene açılğan SİZO-2 keçenlerde tek TFHniñ taqiqat üstündekilerni ve yañı işğal etilgen topraqlardan ketirilgen grajdan insanlarnı tutumaq içün qullanıldı, – dep Facebookta Qırım Ğayesi haber berdi.

Berim ayınıñ 21-inde Rusiyeniñ kontrol etkeni Qırım Yuqarı makemesi Perevalnede “gaz borusında diversiy aqqında dava”nıñ iştirakçilerini uzun müddetlerge makün etti: Nariman Celâlnı 17 senege ve 700 biñ rublelik cezasına, Asan Ahmetov – 15 senege ve 500 biñ rublelik cezasına, Aziz Ahmetovnı 13 senege ve 500 biñ rublelik cezasına maküm etti.