Nariman Celâl ve Aziz Ahtemov Şarqiy Sibirge etap etilecek

30 Oktâbr 2023

Aziz Ahtemovnıñ aqrabalarınıñ añlatqanına köre, tahminen bir ay etap ceryanı devam etecek. Sibirge ketkende bir qaç kün devamında Aziz ve Narimannı Krasnodar, Saratov ve başqa rus şeerlerinde tuta ediler.  

Rus işğalcileri, Qırımtatar Milliy Meclisiniñ başınıñ birinci muavini ve jurnalis Nariman Celâlnı ve daa bir qırım siyasiy mabüsi Aziz Ahtemovnı Şarqiy Sibirdeki Minusinsk şeerine etap eteler. Ukrain ve qırımtatar jurnalisti Osamn Paşaev, UA.Southqa bu aqqında haber berdi, dep Zmina bildirdi.

“Endi bir qaç afta devamında Narimannen bağlanmaq mümkün degil. Advokat Mıkola Polozov ayttı ki, etap – esir etilgen insannıñ ayatınıñ eñ qıyın bir qısmıdır. Maküm etilgen insanlarnı ketirüv vaqtında er şey ola bilir. Narimandan iç bir haber olmaması cemaatnı teşvişke salmalı ve rus ceza sistemasınıñ areketlerini ciddiy tarzda nezaret etmege mecbur etmeli”, – dep Paşaev qayd etti.

Bir qaç kün evel Aziz Ahtemov babasınan bağlandı ve şu anda Çelâbinsk şeerinde bulunğanını bildirdi.

Ahtemovnıñ aqrabalarınıñ sözlerine köre, etap ceryanı tahminen bir ay sürecek. Sibirge ketkende bir qaç kün devamında qırım siyasiy mabüslerini Krasnodar, Saratov ve başqa rus şeerlerinde tuta ediler.  

Başqa faalci Asan Ahtemovnı Vladimirge etap eteler. Onen bağlanmaq mümkün olmay.

Advokat Mıkola Polovoznıñ qayd etkenine köre, Sibirge etap ceryanı, siyasiy mabüslerge iklim tesiridir. Adetince, soviet GULAG bu tüt usulnı qullağan edi.

Bİlgilerge köre, uzaqlıqta yerleşken apishanelerniñ başqa meselesi, advokatnıñ tutuv şaraitine nezaretiniñ qıyınlaşmasıdır.