Mustafa Cemilev rusiyeniñ ordusında ölgen qırımtatarlarnıñ sayısını bildirdi

20 Mayıs 2024

Ukrainanen cenkte rus orusında cenkleşkende eñ az 41 qırımtatar elâk oldı, dep qırımtatar halqınıñ lideri ve Ukraina halq mebusı Mustafa Cemilev Qırım.Aqiqatqa añlattı.

«Bugün çuvallarda qaytqan tek 41 qırımtatar aqqında haberimiz bar. Olardan 22-si – turmuş maddelerine binaen maküm etilgen, olarnı yañı ceza bereceginden qorqutıp, orduğa alğanlar», – Cemilev añlattı.

Onıñ sözlerine köre, tek altı insan RF Silâlı Quvetlerine göñülli olaraq ketti.

«Qalğan elâk olğanlar ise – seferberlikten qaçıp olamağanlar. Amma bu raqam tam demek degil. Pek çoq insan ğayıp oldı. Rusiyeniñ resmiy malümatına köre, «mahsus operatsiya» başlağanından Qırımğa tahminen 786 insan (ceset) qayttı. Vaziyet bu», – Cemilev haber berdi.

O qayd etti ki, RF quvetleriniñ vazifesi – muqavemet yoq etmek içün “Qırımnı temizletmek”tir.

«Amma şunı aytmalım ki, olar qırımtatarlarnıñ qaçqanına, Qırımnı terk etkenine parmaq arasından baqtı. Aynen bunı istegen ediler. Biz mından yapqan muracaatlarımızda semetdeşlerimizni Qırımnı terk etmelerine çağırmağan edik», – halq mebusı qayd etti.