Milliy qarşılıq merkezi: Qırımğa ve Herson vilâyetine dronlarnı aydamağa ögretecek iran talimatçıları ketirildi

13 Oktâbr 2022

Ruslar, Shahed-136 kamikadze-dronlarını qullanmaq içün vaqtınca işğal etilgen Qırım ve Herson vilâyetine iran talimatçılarını ketirdiler.

Milliy qarşılıq merkezi bu aqqında haber berdi.

İstihbaratnıñ bilgilerine köre, iranlılar Zaliznıy port, Hladivtsi (Herson vilâyeti) ve Canköy (Qırım) meskün yerlerinde yerleşeler. Olar, ruslarnı kamikadze dronlarını qullanmağa ögreteler ve dronlarnı ukrain grajdan obyektlerine, bu cümleden Mıkolayiv ve Odesağa yollaylar.

Talimatçılar, ruslarnıñ işğal vaqtında zapt etkenleri binalarda yerleşeler.

İran, rfnıñ cenkte faal olaraq qullanğanı ve Ukrainanı ücüm etkeni uçucısız aletlerni rusiyege yollamağa resmiy olaraq red ete. Faqat, körgenimiz kibi, İran tecavuzcığa tek tehnikanen degil, em de mütehassıslarnen yardım ete.