Meclisniñ başı, Kosovo Cumhuriyetiniñ sabıq tış işleri naziri Petrit Selimine körüşti

29 Sentâbr 2023

2023 senesi berim ayınıñ 29-ında Kıyivde Qırımtatar Milliy Meclisiniñ Başı Refat ÖUBAROV, 2016 senesi Kosovo Cumhuriyetiniñ tış işleri naziri vazifesini yapqan Petrit SELİMİ (Petrit Selimi) ile körüşti.

– Körüşüv vaqtında vaqtınca işğal etilgen Qırımdaki vaziyet ve rus tecavuzını yoq etüv ceryanında Ukrainağa halqara destekniñ küçüni arttırmaq kerekligini muzakere ettik, – dep Refat Çubarov qayd etti.

   Petrir SELİMİ, Kosovo Cumhuriyetiniñ vatandaşlarınıñ ukrainalılarnıñ öz serbestligi ve mustaqilligi içün cenkinde yüksek destek seviyesi ve şırnığını bildirdi.

   Subetdeşler añlaştılar ki, rusiyeniñ halqara uquq qaidelerini bozma ve Ukrainağa ve  vatandaşlarına qarşı cinayetleri içün cezadan qaçınma ıntıluvları, muvafaqiyetsiz olacaqtır.

   Qırımtatar Milliy Meclisi ve Kosovo Cumhuriyetiniñ içtimaiy-siyasiy institutlarınen muntazam işdeşlik yaratmaq maqsadınen Petrit SELİMİ, Qırımtatar Milliy Meclisiniñ vekillerini Kosovo Cumhuriyetini ziyaret etmege davet etti.

Bundan ğayrı, körüşüvde Qırımtatar Millit Meclisiniñ Başınıñ yardımcısı Eldar SÜLEYMANOV ve halqara meseleler mütehassısı Ayder HALİLOV iştirak ettiler.