Meclisiniñ Prezidiumınıñ İlânı – Qırımnı beraber azat eteyik!

03 Aprel 2023

Qırımtatar Milliy Meclisiniñ Prezidiumınıñ 

İlânı

Qırımnı beraber azat eteyik!

Ukrain halqınıñ, rusiye federatsiyasınıñ silâlı tecavuzınen cenki on senedir devam ete.

rfnıñ 2014 senesi kiçik aynıñ 20-sinde başlatqanı Qırımnı işğal etüvininden, Ukrainanıñ şarqısındaki arbiy areketlerden, rfnıñ 2022 senesi kiçik aynıñ 24-ünde başlatqanı Ukrainanıñ qıtaviy topraqlarına tecavuzı ve on binlerce tınç yaşağan sakiniñ öldürmelerine ve millionlarca Ukraina vatandaşının yaşayışını temin etken kritik astyapı obyetkleriniñ viranilklerine yönelgen usullar vastasınen tecavuzlı cenkten evelki ve olarnı ozğarğan sebepler, rfnıñ arbiy-siyasiy reberliginiñ Ukraina devletini ve qısmı tamır qırımtatar  halqı olğan ukrain halqını yoq etmek ıntıluvını köstereler.

Ukraina devletinin oğraşqanı ayat telükesi şartlarında ukrain halqı, Ukraina Silâlı Quvetleri, başqa arbiy şekillendirüvler, akimiyet organları ve cemaat birleştiler ve, devletni qorçalamağa, halqara olaraq tanınğan devlet sıñırlarında devlet suvereniteti ve Ukrainanıñ topraq bütünligini destek etmege qararlı tarzda çıqtılar.

rus tecavuzına umumiy milletli silâlı qarşılıqta Ukraina Silâlı Quvetlerinde, Ukraina Milliy Gvardiyasında, başqa arbiy şekillendirüvlerde Qırımnıñ sakinleri de – qırımtatarlar, ukrainler, rus işğalinden soñ Ukrainanın qıtaviy toprağına köçmege mecbur qalğan başqa milletlerniñ vekilleri – faal olaraq iştirak eteler.

Qırımnıñ ukrain askerleri-sakinleri, ana Qırımnı azat etüv ceryanına eñ çabik tarzda qatılmağa isteyerek, cesüri ve fedakârlığını köstereler. Olardan büyük qısmı nişan ve medallernen, ilk nevbetli arbiy unvanlarnen mükâfatlandırıldı. Qırımtatar Milliy Meclisi, Ukraina devletinin er bir qorçalayıcısına minnetdarlığını ve ürmetini bildire.

rus tecavuzcısınen arbiy küreşlerde qaraman olaraq ölgen ukrain askerleri aralarında Qırımnıñ sakinleri de bar. Qırımtatar Milliy Meclisi, ölgen ukrain askerlerinin yaqınları ve aqrabalarına taziye bildire ve inandıra ki, ölgen askerlerniñ – Qırımnıñ sakinlerinin adları, rus işğalcilerinden azat etilecek Qırımda ebediyleşecekler.

Şu anda ukrain cemaatı, Qırımnı ve Ukraina devletinin başqa işğal etilgen topraqlarını azat eterek, Ukrainanıñ topraq bütümligini eñ çabik tarzda yañıdan yaratmaq içün çoq ğayret köstere. Er bir yönelişte ve cebede küreş devam ete: arbiy, siyasiy, diplomatik ve arqada.

Qırımnı ve işğal etilgen başqa topraqlarnı azat etmek maqsadınen qarşı ücümlerge azırlanğan Ukraina Silâlı Quvetleri, Ukraina Milliy Gvardiyası, başqa arbiy şekillendirüvlerniñ bölükleriniñ omuz-omuzğa cesür ve küreşlerde çoq çgrengen askerlernen turıp, küçlü ve ğayretli erkekler ve qadınlarğa ihtiyaç duyğanı yanı bir basamaq başlay. Bu insanlar yardımınen rus varvarlarınıñ ücümi bozulacaq ve keri qaytacaq.

Ukrainanıñ arbiy-siyasiy reberligi, “Ücüm gvardiyası“nı – Milliy gvardiya, Milliy politsiya ve Devlet sınır hızmetiniñ qurulığındaki ücüm bölüklerini şekillendirüv tedbirleri keçire. Olarnıñ vazifesi – zapt etilgen topraqlarnı işğalden azat etmek maqsadınen üçüm areketlerini yapmaqtır.

Teşkil etilecek Milliy gvardiyanıñ üçüm bölükleri arasında “Qara-Dağ“ operativ maqsatlı 15. taqımı bar. Olar, Ukrainanıñ Cenübinde, şu cümleden Qırımda, çalışacaqlar.

Qırımtatar Milliy Meclisi, Ukraina Silâlı Quvetleriniñ bölüklerinen ve terkibinde Qırımnıñ sakinleri hızmet etken başqa arbiy şekillendirüvlernen işdeşlik ameliyatını devam eterek, Ukraina Milliy Gvardiyasınıñ “Qara-Dağ“ operativ maqsatlı 15. taqımınıñ reberliginen işdeşlik qurdı ve bölükniñ terkibine çoq yardım ete.

Qırımtatar Milliy Meclisiniñ Prezidiumı, Ukraina vatandaşlarını – işğal etilgen Qırımnıñ sakinlerini, devlet içinde alınğan kişilerni: qırımtatarlar, ukrainalılar ve başqa milletlerniñ vekillerini “Qara-Dağ“nıñ taqımına ve “Ücüm gvardiyası“nıñ başqa bölüklerine qatılmağa çağıra.

Qırımnı beraber azat etyik!

Qırımtatar Milliy Meclisiniñ Başı                                 Refat Çubarov

2023 senesi saban ayının 31-i

Kıyiv ş.