Meclis, rusiyeniñ Qara deñiz iqtisadiy işdeşigi teşkilâtınıñ parlament assambleyasında azalığını bitirmege çağıra (bildirüvname)

07 Dekabr 2022

Bildirüvname
Qırımtatar Milliy Meclisiniñ prezdiumına

RUSİYENİÑ, QARA DEÑİZ İQTİSADİY İŞDEŞLİGİ TEŞKİLÂTINIÑ PARLAMENT ASSAMBLEYASINDA AZALIĞINI BİTİRÜVGE DAİR

2022 senesi dekabr ayınıñ 7-sinde Belhrad şeerinde (Sırbistan) Qara deñiz iqtisadiy işdeşigi teşkilâtınıñ parlament assambleyasınıñ (QİTPA) planlanğan 60. oturışı keçirilecek.

Bugün 12 devletniñ parlamentleri, QİTPAnıñ azaları olalar: Arnavutlıq, Azerbaycan, Bulgaristan, Ermenistan, Yunanistan, Gürcistan, Moldova, Romaniya (Senat ve Mebuslar palatası), rusiye (devlet duması ve federatsiya şurası), Sırbistan, Türkiye ve Ukraina.

Sırbistan Cumnhuriyeti Halq Skupşçınasınıñ başı tarafından keçirilgen QİTPAnıñ planlanğan 60. oturışınıñ tantanalı merasiminden soñ Parlament Assambleyası, rusiye federatsiyasınıñ milliy vekilleriniñ azalarınıñ mandatlarını tasdıqlavğa dair saylar keçirmeli.

Belli olğanı kibi, rusiye federatsiyasınıñ milliy delegatsiyası, 2014 senesi fevral ayında rus ordularınıñ Ukrainağa tecavuz yapmaları içün şahsen oy bergen devlet dumasınıñ ve federatsiya şurasının azalarından ibaret ola. Bu saylavlar neticesinde rus orduları Qırımnı işğal ettiler ve doquz senedir onı işgal etmege alâ daa ıntılalar. Bundan ğayrı azalar, 2022 senesi devral ayınıñ 24-ünde rusiyeniñ Ukrainanıñ qıtaviy topraqlarında başlanğan tolu miqyaslı arbiy areketlerini destek ettiler.

Mandatları QİTPA tarafından tasdıqlanmalı olğan rusiyeniñ milliy delegatsiyasınıñ azaları Avropa Birligi, Ukraina, AQŞ, Kanada, Yaponiya ve aza olğan başqa devletlerniñ sanktsiya cedvellerine kirsetildi.

QİTPA içün soñ derecede tsinik olğan şey bu ki, rusiyeniñ vaqtınca işgal etkeni Qırımnıñ sakini olğan ve 2014 senesi fevral ayında Ukrainağa qarşı rus tecavuzını faal olaraq destek etken ve rus arbiy tecavuzını temin etmek ve Qırım Muhtar Cumhuriyetini ve Ayar şeerini işğal etmek içün qanunsız zorbalıq areketleri yapqan Mıhaylo ŞEREMET rusiyeniñ milliy delegratsiyasına kirsetildi.

Rus orduları Qırımğa kirmegen evel qanunsız olaraq teşkil etilgen «Narodnoe Opolçeniye» («Halq birligi») rus taraflı parasilâlı teşkilatınıñ reberi olaraq Mıhaylo ŞEREMET, Ukraina vatandaşa ve qırımtatar olğan Reşat AMETOVnı (öldürilgen soñ Ukraina Qaramanı unvanı berildi) zornen alıp tutuv ve öldürüv ceryanlarında iştirak etmesi içün esaslanğan tarzda şeklene.

Bes-belli ki, esasında ve neticesinde:
⁃ endi dokuz senedir devam etken rus-ukrain cenki, Qırımnıñ vaqtınca işğal etilmesi ve tamır qırımtatar halqınıñ ciddiy taqiplerinen onı ücüm etmek ıntıluvları;
⁃ 2022 senesi fevral ayınıñ 24-ünde rus askerleriniñ Ukrainanıñ qıtaviy topraqlarına tolu miqyaslı tecavuzı ve o zamanlardan berli Ukrainanıñ büyük qısmında olğan qanlı küreşler;
⁃ Ukrainanıñ bütün topraklarındaki köyler, qasabalar ve şeerlerni ve ealisini yok etmek maqsadınen kütleviy raketa ateşleri;
⁃ rusiye federatsiyasınıñ Qırım Muhtar Cumhuriyetinde ve Aqyar şeerinde (Ukraina) devlet dumasına qanunsız saylavlarnı keçrimek ıntıluvları;
⁃ rus tecavuzını yoq etmek içün devletlerniñ çoqusınıñ parlamentleriniñ ve ükümetleriniñ Ukrainanı destek meselesinde inanılmaz birligi.

Qara deñiz iqtisadiy işdeşligi teşkilâtınıñ Parlament Assambleyası tek doğru karar bermek ve rusiye federatsiyasını QİTPAnıñ azalığından masum etmek kerek.

Qırımtatar Milliy Meclisiniñ prezidiumı, QİTPAnıñ azaları olğan devletlerniñ milliy vekillerini (şu cümleden BMTnıñ nizamnamesinde, 1993 senesi fevral ayınıñ 26-sındaki Qara deñiz iqtisadiy işdeşligi teşkilâtınıñ Parlament Assambleyasını teşkil etüv aqqında Beyannamede qayd etilgen) halqara gumanitar uquqnıñ qaidelerine bağlılığını tasdıqlamağa ve Rusiye Federatsiyasınıñ QİTPAda azalığını bitirüv aqqında qarar bermege çağıra.

Refat Çubarov
Qırımtatar Milliy Meclisiniñ başı

2022 senesi dekabr ayınıñ 7-si
Kıyiv şeeri