Kıyivde qırımtatar halqınıñ bayrağını köterüv merasimi olıp keçti (foto)

26 Iyün 2024

Kıyivde şeerniñ devlet memuriyetiniñ binası ögünde qırımtatar ve Ukraina gimnleriniñ refaqatınen qırımtatar bayrağı köterildi.

“Eminim ki, Qırımnıñ statusınıñ mükemmelleştirilüvinen bağlı muzakereler devam etse de, Qırım muhtariyetiniñ bayrağı aqqında muzakereler artıq olmaycaq. O, Ukraina Devlet bayrağınıñ yanında tura. Qırım azat etilecek, devlet suvereniteti ğayrıdan tiklenecek ve bütün Qırım üzerinde, onıñ er köşesinde, Ukraina Devlet bayrağı ve qırımtatar milliy bayrağı yanında olacaq”, — dep Qırımtatar Milliy Meclisiniñ başı Refat Çubarov bildirdi.

O, Rusiye Federatsiyasınıñ qanunsız şekilde azatlıqtan marum etkeni 200-den çoq siyasiy mabüske qol tutmaq kerek olğanını hatırlattı.

Kıyiv şeeriniñ şurasınıñ resmiy saytında Kıyiv şeeriniñ başı Vitaliy Klıçkonıñ Qırımtatar bayrağı kününen hayırlavı yayınlandı. Suspilne Qırım bu aqqında haber berdi.

“Sürgünlikten tarihiy toprağına qaytqan qırımtatarlar öz-özüni idare etüv ananesini, milliy timsallerini ğayrıdan canlandırdılar. Bugün qırımtatarlar, büyük ukrain milletiniñ vekilleri olaraq, cesürlik köstereler, Ukraina Silâlı quvetlerinde rus işğalcilerine qarşı cesürliknen cenkleşeler. Bizni tek bayraqlarnıñ aynı renkleri degil de, yañı qurulğan Ukrainada kelecekke dair aynı körüşüvi birleştire. Bizim beraberlikte küreşimiz ğalebemiznen bitecek. Qırımtatar bayrağı kene Bağçasaray ve Foros, Canköy ve Gurzuf üzerinde köterilecek. Çünki Qırım — Ukrainadır! Slava Ukraini!” — dep bildirildi.

Hatırlatamız ki, er sene bozarğan aynıñ 26. künü qırımtatarlar, Qırımnıñ tamır halqınıñ milliy timsali olğan Qırımtatare bayrağı kününi qayd eteler.

Qırımtatarlarnıñ bayrağı milliy timsaldir. O, kök mavı ve altın renkli bir bayraqtır, sol üst köşesinde ise tamğa bar.