Kıyiv şeeriniñ yalı kenarında qırımtatar bayrağı yañıdan boyalandı

07 Avgust 2023

^{Fotosuret: Ibragim Suleymanov; Hromadske radio}

Halqara dünya tamır halqları kününe Obolon yalı kenarında büyük qırımtatar bayrağı yañıdan boyalandı.

2015 senesi qırımtatar faalcileri, uzaqlıqta 90 metrelik ve keñlikte 18 metrelik tamğanen mavı bayraqnı boyaladılar. Yanında ukrain bayrağını da boyaladılar. Bu, Qırımnıñ işğaline göre qarşı orta küreşniñ timsali oldı.

Bizim içün bu, mında Kıyivde Qırım ve qırımtatarlarnıñ, şu cümleden işğalden evel Qırımdan ketken sakinleriniñ mevcut olmasınıñ qatd etilmesidir. Ümüt etem ki, Ukraina mudafaa quvetleti yarımadanı işğalden azat etecek soñ bu adet qalır, – dep Meclisniñ başı Çubarov ayttı.

Boyalama işleri bitken vaqıt numayış yerine “Devletni aşatamız/Ukrain Qırımınıñ lezeti” leyhasınıñ mobil aşhanesi keldi. 2023 senesi saban ayından berli Qırım Milliy Varlıq Fondunıñ temelinde İHH Humanitarian Relief Foundation gumanitar fondu, Qırımtatar Milliy Meclisi, Qırım Musulmanları Diniy İdaresi, Ukraina musulmanları birligi, ASTEM Foundation ve Evkaf Foundationnıñ desteginen bu leyha Ukrainada kerçekleşe.