Kiyevde diplomatlarğa qırımtatar quyumcılıq ve yırcılıq sanatı numayış etildi

19.09.2012

Meclis yolbaşçılarınıñ diplomatik missiyalarnıñ ve akkreditatsiya etilgen halqara teşkilât yolbaşçılarınen sentâbr 18 künü Kiyevde er yıllıq 2-nci körüşüvniñ yekünlenmesi munasebetinen resmiy ziyafet berildi.

Ukrainanıñ birinci prezidenti Leonid Kravçuk, 20 devletni temsil etken elçihane ve halqara teşçkilâtlarnıñ vekilleri, Ukraina Prezidentiniñ Qırımdaki daimiy temsilcisi Viktor Plakida, Ukraina Prehidenti Memuriyeti, Ukraina tışqı işler nazirligi, Ukraina İçtimaiy siyaset nazirliginiñ hadimleri, qırımtatar cemaat teşkilâtları ve iş daireleriniñ vekilleri ziyafetniñ musafirleri oldılar.

Resmiy olmağan qonuşuv devamında musafirler “DÜLBER” (esasçısı ve ustası Mehti İslamov) quyumcılıq evi ustalarınıñ tekrarlanmaz eserlerinen tanış olmaq, Ukraina Milliy opera solisti, Ukraina halq artisti Femi Mustafayevniñ icrasında qırımtatar milliy ve klassik yırlardan zevq almaq imkânına malik oldılar.

Ziyafetni “Qırım inkişafı vaqufı” Hayriye teşkilâtı Qırım Halqara Biznes Birliginiñ qoltutuvında teşkil etti.