Ketken yolumızdan burulmayıq

22 Fevral 2023

Er sene kiçik aynıñ 21-inde dünyada Ana tili kün qayd etilir.

Keçken senelerde kib bu sene farqlı ülkelerden biñlerce qırımtatarnıñ qatılğanı qırımtatarca tek imlâ keçirildi. İmlâ olaraq teklif etilgen metinniñ müellifi – rus işğal mekemesi tarafından 17 senege maküm etilgen Qırımtatar Milliy Meclisiniñ Başınıñ ilk muavini, kreml esiri Nariman Celâl oldı.

Bundan ğayrı, rfnıñ işğal etkeni Qırımnıñ toprağından canlı yayınlandı ve ATR-telekanalı ve başqa içtimaiy ağlar vastasınen bütün dünyağa tarqatıldı.

Nariman Celâlnıñ metniniñ adı “Ketekn yolumızdan burulmayıq”. Anda öz halqına sadıq qalğan insanlarğa qıymet ve ürmet kösterile. O, tamır qırımtatar halqınıñ Qırımnen birleşme yolunı qayd ete.

Metin Nariman Celâlnıñ, Qırımnıñ ve qırımtatar halqınıñ parlaq kelecegini optimistik baqışınen soñuna kele.

İmlâ yazğan er kes emin ola ki, Qırımtatar Milliy Meclisiniñ Başınıñ ilk muavini, qırımtatar milliy areketiniñ parlaq ve cesür vekillerinden biri Nariman Celâlnıñ optimizminen ilhamlandı.

Qırımtatar Milliy Meclisi, qırımtatarca tek imlânıñ teşkilcilerine ve onı yazıp ana tiliniñ seviyesini teşkergen er keske teşekkür bildire.