Keriç boğazından paromnen ketmek içün insanlar bir qaç kün bekleyler

18 Oktâbr 2022

Keriç boğazından keçmek içün üç künge qadar beklemek kerek. Qırım köprüniñ yanında da kilomertli nevbetler bar. Ukraina Prezidentiniñ Qırım Muhtar Cumhuriyetindeki vekilligi bu aqqında haber berdi.

– Paromnen boğaznı keçmek içün ve “qırım köprü”niñ yanında kilometrli nevbetler bar. Keriç boğazınıñ başqa yalısına ketmek içün insanlar tahminen üç kün bekleyler. Bu nevbetlerde qırım ilâçhaneleri içün em de ilâçlarnen yük maşnaları turalar. Qırım ilâçhanelerinde endi ilâç kemligi bar, – beyanatta yazıldı.

Müessiseniñ qayd etkenine köre, qanunsız “Qırım köprü”niñ qısmiy bozulması sebebiden rus askerleriniñ ve tehnikasınıñ işğal etilgen yarımadağ ketirilmesi zorlandı. Faqat Keriç yanında rus tehnikası köründi.