Jurnalistler, rus quvetçileri tarafından tutulğan Kulamet İbraimovanıñ azat etilmesini talap eteler

28 Iyül 2023

Jurnalistlerni qoçalav eyyeti (CPJ), rusiye akimiyetini RFnıñ kontrol etkeni Qırım Yuqarı makemesi binası yanında rus quvetçileri tarafından tutulğan «Qırım birdemligi»niñ içtimaiy jurnalisti Kulamet İbraimovnıñ azat etilmesini ve uquq qorçalayıcı Lütfiye Zudiyevanıñ para cezasınıñ lâğu etilmesini çağırdı.

«Qırım adlı işğal etilgen ukrain bölgesinde rusiye akimiyeti, bu bölgedeki insan aqlarınıñ telâşlı vaziyetini aydınlatmağa ıntılğan jurnalistlerni taqip etmege devam ete. Cemaat, olarnıñ reportajlarınen pek meraqlana, ve olarğa manian olmamalılar. Akimiyet Kulamet İbraimovnı acelen azat etmeli, Lütfiye Zudiyevanıñ şikâyet arizasına itiraz bildirmemeli ve matbuat vekillerine sıñırsız tarzda çalışmağa imkân bermeli», – dep Avropa ve Merkeziy Asiyadaki JQE programmalarınıñ idarecisi Hulnoza Said ayttı.

Oraq ayınıñ 27-sinde RFnıñ kontrol etkeni Qırım Yuqarı makemesi binası yanında rus quvetçileri tarafından tutulğan dört qırımtatar faalcisine, RFnıñ CMQniñ 20.2.2. maddeini (cemaat yerlerinde kütleviy tebdir teşkil etüv) bozğanları sebebinden, para cezasını berdiler, içtimaiy jurnalist Kulamet İbraimovnı ise beş künge tevqif ettiler.