İşğalcilerniñ azapları sebebinden jurnalist İrına Danılovıç açlıq çekecek

21 Mart 2023

Müstemlekede 7 senege maküm etilgen emşire, faalci ve içtimaiy jurnalist İrına Danılovıçnıñ sağlığı yaramaylaşmağa devam ete. Oña kerekli tibbiy yardım etmeyler: Danılovıç quru açlıq çekmege bildirmege istey, dep Qırım uquq qorçalayıcı gruppası haber berdi.

Faalciniñ babası Borislav Danılovıçnıñ bildirgenine köre, davanıñ bilgilerinen tanış olmaq içün “Kefe şeer makemesi”ne ketirilgende İrına esini coydı. 

İrına Danılovıç sıq sıq koordinatsiyasını coya ce bayılacaq kibi özüni duya. Faqat SİZOda onı ketirmek içün onıñ tibbiy manialarınıñ mevcut olmamasını tasdıqlağan vesiqalarnı resmiyleştirdiler.

Keskin otit sebebinden bir qaç kere hitap etken soñ Danılovıçqa tibbiy baquv temin etildi. Faqat, babasınıñ sözlerine köre, baquv formal edi ve oña teşis qoyulmadı.

Yanğınıñ ayat içün telükeli alına baqaraq jurnalistnıñ qorçalayıcıları, RFnıñ Cinaiy qanunnamesiniñ 124. “maqbul sebepsiz hastağa yardım etmeme” maddesi içün cinayet aqqında beyanat yollamağa planlaştıra.

Bundan ğayrı, Danılovıçnıñ yaqınları, advokatnıñ ozğarmasınen onı baqacaq ihtisaslı ekimni bermege talap eteler (bu, yardım tolu miqdarda etecegini kefil olacaq).

Bundan ğayrı qorçalayıcı taraf, makeme munaqaşaları vaqtında İrınağa kerekli yardım etmege red etken “acil servis” ekimine qarşı resmiy şikâyet arizasını bermege planlaştıra. Babasınıñ sözlerine köre, İrına Danılovıç özüni yaramay duymağanı içün birinci seviyeli makemede özüni qorçalama imkânından marum etildi.