İşğalciler ukrain balalarını Qırımdaki mahsus lagerlernen qorqutalar

20 Aprel 2023

İşğal etilgen topraqlardan ukrain balalarını, vatanperver terbileyemek içün, Qırımda teşkil etilgen mahsus lagerlerge yollamağa ıntılalar. Ukraina mudafaa naziriniñ muavini Hanna Malar bu aqqında haber berdi, dep Qırım.Aqiqat yazdı.

Onıñ sözlerine köre, rusiyeniñ işğal etkeni topraqlarda balalarnı bu lagerlerge yollavnen bağlı ciddiy propaganda kampaniyası keçirile.

– Bu lagerlerde balalar sparta şartlarında yaşamalılar ve rusiye federatsiyasınıñ askerleriniñ reberliginen böyle degen “arbiy-vatanperver terbileyevi” intensiv tedbirlerini ziyaret etmeliler, – dep Malâr qayd etti.

Oña köre işğal memuriyetleri, balalarını bu tür lagerlerge yollamağa red etken ana-babalarnı qorqutalar ve yaqın kelecekte bütün mektepçilerni mezkür lagerlerge yollacaqlarını söz bereler.

Saban ayınıñ 17-sinde Gaagada Halqara cinaiy makeme Volodımır Putinni ve RF prezidenti uzurında bala aqları vekili Mariya Lvova-Belovanı tevqif etmek içün order berdi.

Makemeniñ sözlerine köre, Putin ve Lvova-Belova, balarnıñ ukrain topraqlarından Rusiyege mecburiy sürgünligi içün şahsen cevapkârlardır.