İşğalciler, qırımtatar ailesiniñ evini tinttiler

16 Fevral 2024

Vaqtınca işğal etilgen Qırımda qırımtatar İlyas Muslimovnıñ evini tinttiler, quvetçiler oğlunı alıp kettiler. 

“Qırım birdemligi” cemaat teşkilâtı Facebook saifesinde bu aqqında haber berdi, dep Ukrinform bildirdi.

“Qırım birdemligi”niñ mühbiri haber berdi ki, Yedi Quyu şeer şeklinde qasabasında qırımtatar, avtomehanik İlyas Muslimovnıñ evini tinttiler”, – dep bildirildi.

Muslimovnıñ sözlerine köre birinciden quvetçiler oña sual berdiler.

“Saba saat beşte maska taqqan silânen insnalar izinsiz kirdiler, meni yattırdılar ve menim terrorcı ve “SVO”ğa qarşı olğanımnı, propağanda işini keçirgenimni ve insanlarnı çağırğanımnı köstereler. Bundan soñ protokolnen tanıştırdılar”, – dep Muslimov añlattı.

Onıñ sözlerine köre Rusiyede yasaqlanğan tedbirlerde iştirak etip-etmegenini, Qırımtatar Milliy Meclisiniñ vekillerinen munasebetleri olıp-olğanını soradılar.

“Bütün vesiqalarda menim adım qayd etildi, amma oğlumnı alıp kettiler”, – dep Muslim qoştı.

“Qırım birdemligi” qoştı ki, futbol idmancısı Asan Muslimov aqqında laf etemiz. Quvetçiler onı alıp, belli olmağan bir yerge kettiler. Bundan soñ İlyas Muslimov politsiyağa ariza yazıp yolladı.