İşğalciler Qırımdan ailelerini ketireler ve biznesini toqtatalar – Ahtem Çiygöz

14 Aprel 2023

Vaqtınca işğal etilgen Qırımnıñ topraqlarında rus ealisi, duşmannen işdeşlikçiler ve biznes arasında keyf pessimistiktir. Duşmannen işdeşlikçiler ve işğalicler yarımadadan öz ailelerini ketireler, biznes ise toqtatıla. FREEДОМ telekanalınıñ canlı yayınında Qırımtatar Milliy Meclisiniñ başınıñ muavini, Ukraina halq mebusı Ahtem Çiygöz bunı añlattı.

Onıñ sözlerine köre, Keriç (Qırım) köpründe er vaqıt çoq maşna bar. Rus topraqlarına dört maşnadan ekisine ketmege izin bereler. Şanslı olmağan insanlar keri qaytmağa ve Donetsk vilâyetiniñ Mariupol şeerinen ketmege mecbur olalar.

– Bunıñ ne qadar telükeli olğanını bigenlerine baqmadan insalar ketmeyler, rusiyege qaytmaq içün keri qaytalar, yañıdan nevbette turalar ve  öz “lotereya bileti”ni bekleyler. İşğalciler ve duşmannen işdeşlikçilerniñ keyfi, areketlerimizniñ ve ortaqlarımıznıñ areketleriniñ ne qadar muvafaqiyetli olğanlarını köstere. Olarnıñ keyfi ise telâşlıdır, olarnıñ ruhu bozuldı ve keçken optimizi ve pafosı yoq. Er kes ögrendi ki, anda olar soñ qurşunğa qadar qalmaycaqlar, – dep o qayd etti.

Çiygöz haber berdi ki, Qırımnıñ topraqlarında duşmannen işdeşlikçileriniñ çoqusı öz ailelerini rusiyeniñ topraqlarına ketirdi.

Bundan ğayrı, yarımadada mesken komplekslerine faal olaraq para bergen rus yatırımcıları şimdi ise biznesini toqtatalar.

– putin keçkende kibi degil, rusiyede ise olarnı endi beklemeyler, yani duşmannen işdeşlikçilerni. İşğalniñ bütün doquz senesi boyunca Rusiye bizim vatandaşlarımıznı kerçekten boysundıramadı. Qırım – Ukrainanıñ parçasıdır dep aytqan yürek sesi daa çoq ilham bermege başladı ve daa muntazam oldı, – dep Ahtem Çiygöz hulâsa çıqardı.