İşğalciler Balaklava TESna ücüm aqqında bildirdiler

23 Noyabr 2022

Foto:krymr.org

Noyabr ayınıñ 22-sinde aqşam maalinde işğal etilgen Aqyar şeerinde uçucısız aletler Balaklava TESni ücüm etmege tırıştılar. Aqyar şeeriniñ rus başına atıf eterek Radio.Svoboda bu aqqında haber berdi.

İşğalci Telegram saifesinde yazdı ki, ava mudafaa silâsı Balaklava TESke uçmağa tırışqan eki uçucısız aletni yoq etti.

Bundan ğayrı, Razvojayevniñ bilgilerine köre, deñiz üstünde RF Qara deñiz flotu “bugün üç uçucısız aletni yoq etti”. 

Aqyar şeeriniñ rus başı ücümde ukrain askerlerini qabaatlandırdı. USQ, Razvojayevniñ qabaatını tefsir etmedi.