İşğal etilgen Qırımnıñ şimalinde rus ordusı okoplarnı qazdı – fotoresimler

19 Iyün 2023

Ukrainanıñ memuriy sıñırından Canköyge çoq mudafaa sızığını qurdı. Qırım.Aqiqat ve “Shema” leyhalarınıñ jurnalistleriniñ talil etkenleri Planet Labs yoldaş resimleri bunı kösterdiler.

Jurnalistler, keçken fotoresimlerge baqıp, Qırımnı USQniñ mümkün olacaq qarşı ücüminden qorçalamaq içün Rusiyeniñ qazğanı yañı okoplarnen dört yerniñ yañı fotoresimlerini yayınladılar. Qaracanay köyü, Ermeni Bazar KÇYK, Yañı Qapu ce Canköy rayonında bu inşaatlar tapıldı.

Arbiy mütehassıslarnıñ fikirlerine köre, mudafaa sızıqlarınıñ qurulması, USQniñ ücüm operatsiyası vaqtında RF ordusınıñ mudafaasına azırlığını köstere.

Fotolarğa köre okoplarnıñ çoqusı, RF ordusı Hersondan ketken soñ qazındı. Qırımnıñ şimaliy qısmınıñ yoldaş resimlerinde körmek mümkün ki, rus askerleri köylerge yaqın ya da tamam meskün yerler yaınında qale inşaatlarını sıq qazıp quralar.