İşğal etilgen Qırımda onlarca biñ adam mobilizatsiya etildi

11 Dekabr 2023

2022 senesi berim ayında işğal etilgen Qırımda rusiye böyle degen qısmiy mobilizatsiya ilân etilgen soñ onlarca biñ adam mobilizatsiya etildi.

“Dron.Media” portalına intervyu bergende Ukraina prezidentiniñ Qırımdaki daimiy vekili Tamila Taşeva bu aqqında haber berdi, dep Suspilne bildirdi.

O qayd etti ki, Qırımda mobilizatsiya etilgen adamlarğa dair isaiyat “gizli malümat”sayıla.

“Biz, qoşma menbalar vastasınen nezaret etmege tırışamız. Misal içün, müddetli hizmete ketken insanlarğa topraq ayırılımasıdır. Ya da cenaze sayısına köre. Dos-doğru aytmaq zor, amma tolu miqyaslı tecavuz boyunca onlarca biñ adam mobilizatsiya etildi, amma er kes bilinmey”, — dep Taşeva añlattı.

Bundan ğayrı, o qayd etti ki, 2014 senesinden — rus işğali devrinden — berli Qırımda tahminen 40 biñ adam müddetli hızmet etmege ketti.

“Bu, haqlara gumanitar uquqnıñ bozulması, cinayettir. İşgalci bir devletniñ bu topraqlarda yaşağan vatandaşlarnı öz silâlı quvetlerine almaq aqqı yoq, bu Jenevre şartnamesiniñ bozulmasıdır”, — deo prezidentniñ Qırımdaki daini vekili hulâsa çıqardı.