“Hizb ut-Tahrir” davasınıñ siyasiy mabüslerine qarşı canavar areketleri yapılır – uquq qorçalayıcılar

11 Yanvar 2023

 “Hizb ut-Tahrir” davasınıñ “Ekinci Aqmescit gruppası”nıñ siyasiy mabüsleri Cemil Ğafarov ve Servet Gazievge qarşı işğalciler canavar areketleri eteler. QırımSOS uquq qorçalayıcı teşkilâtınıñ analitikacısı Yevheniy Yaroşenko bunı añlattı.

– Deşetli şartlar sebebinden Cemil Ğafarov ve Servet Gazievniñ sağlıq alı pek yaramazlaştı. Kerekli tibbiy yardımnıñ yoq olmasını işağlcilerniñ canavar areketleri olaraq tanımaq mümkün, – dep Yevheniy Yaroşenko qayd etti.

2019 senesi tevqif etilgen Cemil Ğafarovnıñ qalp hastalığı sebebinden saqatlıqnıñ 3. gruppası bar edi. Epishanede bulunğan soñ sağlığı yaramaylaştı ve tibbiyetçiler, onıñ saqatlıqnıñ 2. gruppasına ait olğanını bildirdiler. 2022 senesi iyün ayınıñ 28-inde Servet Gaziev mirkoinsult çekti. Onıñ yüzüniñ sağ qısmı felçke oğradı.

 Yanvar ayınıñ 11-sinde Rostov-na-Donu şeerindeki Cenübiy bölge arbiy makemesi Servet Gaziev, Cemil Ğafarov, Erfan Osmanov, Alim Karimov ve Seyran Murtazige üküm çıqardı. “Hizb ut-Tahiri terrorcılıq teşkilâtında” sanki iştirak etmesi içün er bir qırımtatarnı 13 senege maküm etti.

– Ciddiy sağlıq meselelerine baqmadan, Servet Gaziev ve Cemil Ğafarovnı iç bir vaqıt ev episligine yibermediler, – dep Yaroşenko qayd etti.