Meclisniñ başı, rus Yalta memuriyetiniñ vekilleriniñ Türkiyeni ziyaretini tenqit etti

02 Noyabr 2023

Qırımtatar Milliy Meclisiniñ başı Refat Çubarov, rusiyeniñ kontol etkeni Yalta memuriyetiniñ vekilleriniñ Türkiyeni ziyaretini tenqit etti. O bildirdi k, böylece türk memurları, “rus cinayetçilerini qara kiriş vastasınen medeniy dünyağa kirsetmege tırışalar”.

“Qırımda rus işğalcileri, tamır qırımtatar halqına qarşı repressiyalarını çoqlaşqanda nezaketli türk memurları, vaqtınca işğal etilgen Qırımdan rus cinayetçilerini öz odalarında qabul eteler ve olarnı qara kiriş vastasınen medeniy dünyağa kirsetmege tırışalar. Amma 2014 senesi qırım duşmanınen işdeşlik yapqan insanlar o yerden çıqarıldı”, – dep Facebookta Çubarov yazdı.

Bundan ğayrı, o haber berdi ki, iBirleşken şeerler ve yerli akimiyet” teşkilâtınıñ Umumiycian şurası vaqtında rusiye tarafından aneksiya etilgen Yaltanı mezkür teşkilârnıñ terkibie kirsetüv aqqında qarar berildi, dep Radio.Svoboda bildirdi.

“Eñ kederli şey ki ne türk baş memurı, ne Konya şeeriniñ meeri ve mezkür teşkilâtnıñ başı, rusiye tarafından işğal etilgen Qırımda bulunğan Yalta şeeri aqqında laf etkenlerini tüşündi. Amma Konya şeeriniñ meeri böyle muqaytsız bir areket yapsa edi, vaziyet o qadar yaramay olmaz edi”, – dep Qırımtatar Milliy Meclisiniñ başı qayd etti.

Yaltanıñ rus başı Yanina Pavlenko öz Telegram kanalında bildirdi ki, Türkiyeni zeyaret ete. Anda o, İstanbulnıñ belediye rayonınıñ başı Beylikdüzünen ve yerli ticaret-sanayı palatasınıñ başınen körüşti.