Freedom House, Server Mustafaevniñ sağlıq alı sebebinden raatsız ola

11 Oktâbr 2023

Freedom House halqara teşkilâtınıñ vekiller raatsız olalar ki, müstemlekede qırımtatar uquq imayecisi Server Mustafaevge tibbiy yardım etmeyler. Olar qayd ettiler ki, RF topraqlarda bu, qırım siyasiy mabüslerine dair kütleviy bir iş-areketidir.

OSCEniñ insan ölçesi konferentiyasında Ukrainadaki Freedom House vekilliginiñ müdiri Yuriy Yurkevıç bunı bildirdi, dep Qırım.Aqiqat mühbiri haber berdi.

Onıñ bilgilerine köre, söz aytqanda Yuriy Yurkevıç, qırım siyasiy mabüsleri Camil Ğafarov ve Konstântın Şırinhniñ esirlikte ölümlerini hatırlattı ve bütün siyasiy mabüslerni azat etmesini talap etmege çağırdı. Bundan ğayrı, yerli ealiniñ qarşılığını yoq etmek içün Ukrainanıñ işğal etilgen topraqlarında çoq mecburiy tutuvnı añlattı.

“Bu körünmegen reinelerge diqqat celp etmege çağıramız”, – dep Yuriy Yurkevıç qayd etti.

Uquq imayecisiniñ fikrince, halqara İşğal etilgen topraqlarda esir etilgen askerler ve vatandaşlarnıñ vaziyeti aqqında malümat toplayıcı ofisini teşkil etmek kerek. Bundan ğayrı, bütün vaqialarnı ciddiy tarzda taqiqat etmek kerkeligini tüşüne ve ükümetlerni cemaatnen işdeşlik yapmağa, halqara teşkilâtlarnı bu meselenen çalışqanlarnı destek etmege çağırdı.