Faal etmege devam etecekmiz: işğalciler, jurnalist Lütfiye Zudiyevanı azat ettiler

28 Iyül 2023

Oraq ayınıñ 27-sinde işğal etilgen Qırımda tutulğan «Gratı»nıñ jurnalisti Lütfiye Zudiyevanı 12 biñ rublelik (tahminen 5 000 grivna) cezası aldı. «Gratı»nıñ Telegram kanalında bu aqqında haber berildi.

Zudiyeva ve başqa qırımtatarlar, Qırımtatar Milliy Meclisiniñ başınıñ muavini Nariman Celâlnıñ ve Ahtemov ağalarınıñ davasına bağışlanğan açıq oturışqa qatılmaq içün RFnıñ kontrol etkeni Qırım Yuqarı makemesi binası yanında toplanğanlarından sebep qabaatlandılar. Rusiye akimiyeti olarnı diversiyanen qabaatlay.

RFnıñ CMQniñ 20.2.2. maddesiniñ 1. qısmına («Halq ögündeki tedbir olmağan, içtimaiy yerlerde vatandaşlarnıñ aynı zamanda bulunmaları ve ya ketmelerini teşkil etüv, içtiamiy yerlerde vatandaşlarğa aynı zamanda kütleviy bulunmağa ve ya ketmege halq ögünde çağıruvlar») mücibi Lütfiye Zudiyevağa qarşı protokol tizildi.

«Añlaşılır ki, bir kimse, canlı yayında tek bir nazar noqtasınıñ yayınlanmasını istey. Ve bu nazar noqtası mahsus hızmetlerniñ menfaatına, quvetli müessiselerniñ menfaatına ve devlet qabaatınıñ tarafınıñ menfaatına çalışa. Amma bizim vazifrmiz – bu tür cinaiy davalarnıñ sahte etilmesini obyektiv olaraq añlatmaq, devlet qabaatınıñ delillerini ve qorçalayıcı tarafnıñ bu delillerge nasıl cevap bergenini añlatmaqtır. Tamam bunıñ içün bugün men makeme binası yanında edim. Tesirge baqmadan, para cezalarına baqmadan, başqa çeşit türlü telükege baqmadan, biz faal etmege devam etemiz», – dep makeme binasından çıqıp, Lütfiye Zudiyeva qayd etti.