Eñ çoq bu seneniñ soñuna qadar Qırımda suv yeterecek – Çubarov

08 Iyün 2023

Şimaliy Qırım kanalından Dnipro özeni Qırımdaki içilr suv ihtiyacını temin ete edi. Kahovka GES bozulğan soñ suv teminatınıñ başqa yollarını tüşünip çıqarmaq kerek.

Qırımtatar Milliy Meclisiniñ başı Refat Çubarov 24 Kanalğa bunı ayttı. Onıñ sözlerine köre, Kahovka GES patlanğan soñ içilir suv tek seneniñ soñuna yeterli olır, amma yaz pek sıcaq olmasa.

– Dnipro suvını temin etmek içün qaysı zemaneviy gidroinşaatlarnı qurmaq mümkün olacağını şimdi tüşünmek kerek. Belki de şimdi müendisler bizge yañı tehnologiyalar teklif ete bilirler, – dep Çubarov qayd etti.

Aynı zamanda kanal – eñ yahşı bir qarar olmay, çünki suv teminatı vaqtında tahminen 50%-i yoq ğayıp ola. Belki de boru teminatı, daa yahşı bir usul olır.

Yarımadanıñ işğaliniñ başlanğıcında ruslar Qırımda yaşayış şartlarını bozmağa başladılar.

– Eger 2013 senesi tahminen 140 biñ suvaruv toprağı olsa da, endi 2015 senesi onıñ sayısı tahminen 12-13 biñ oldı. Agrarcılar, yañı ösümliklerni saylamağa mecbur ediler, çünki olar pek çoq ğayıp ete ediler, – dep Çubarov qayd etti.