Emine Ceppar siyasiy mabüs Osman Arifmemetovnıñ mektübini yayınladı

21 Iyün 2023

Siyasiy mabüs Osman Arifmemetov ükümniñ apelâtsiyasınıñ baqılmasını ve rus müstemlekelerinden birine etaplaştırılmasını bekley. Ve repressiya maşnasınıñ tamamınen kontrol etkeni rus makeme sistemasından yahşı bir şey beklemek mümkün degil.

Siyasiy mabüs Osman Arifmemetovnıñ mektübini alğan soñ Facebook saifesinde tış işleri naziriniñ ilk muavini Emine Ceppar bu aqqında yazdı.

Endi dört senedir apishanede Arifmemetov buluna. Senelerce makeme davasından soñ 2022 senesi boş aynıñ 24-ünde rusiyedeki Rostov-na-Donu şeerinde ciddiy rejimli müstemlekede 14 senege keçirmege maküm etildi. O, terrorcılıq teşlilâtınıñ faaliyetini teşkil etmekte ve akimiyetniñ zornen ücüm etilmesinde sahte olaraq qabaatlandı.

Öz mektübinde kremlniñ eseri yazdı ki, çoq maniağa baqmadan serbest topraqlardan apishaneniñ yüksek divarlarından, sançaq tellerden bile, haberler duyula.

– Azatlıqtan marum etüv, aqiqatlıq duyğusını yoq ete. Kitaplarnı oquyaraq, mektüplerni yazaraq, davanıñ bilgilerini ögrenerek, men yeksenaklıqnen küreşem. Soñ şey ruhiy tarzda pek çoq boldutıra. Amma er bir yahşı haberçik, ümüt qanlarını bere, – dep Arifmemetov añlattı.