Emine Ceppar, 2022 Mark Palmer mukâfatını qazandı

08 Dekabr 2022

Ukraina tış işler naziriniñ ilk muavini Emine Ceppar, Freedom Houseten Mark Palmer mukâfatını qazandı.

Ceppar Twitterde bu aqqında haber berdi.

– Freedom Houseten 2022 Mark Palmer mukâfatını ğururnen aldım. Tarihında esirlerce rusiye tarafından cezalavlar ve taqiplerni keçirgen Ukrainağa, ukrainalılarğa, Qırımğa ve qırımtatarlarğa onı bağışlayım, – Ceppar yazdı.

TİNniñ reberiniñ ilk muavini añlattı ki, rusiye onıñ ana Qırımını işğal etkende qaytacağım dep ondan ayırdı.

– O zamanlardan berli öz ayatını adelt içün küreşke bağışladı. Şimdiki rus tecavuzı Qırımdan başladı, anda da bitirilecektir, – dep Ceppar qayd etti.

Freedom Houseniñ resmiy saytında bildirildi ki, Mark Palmer mukâfatı, milletlerge ve cemaatqa demorkatiya ve insan aqlarını inkişaf saasında yardımcı olğan ve cesür, semerli çağıruv usullarını qullanğan, mahsus muvafaqiyetler içün diplomatlarğa ya da halqara teşkilâtlarnıñ resmiy kişilerine berilir.