Çubarov Qırımnıñ azat etilmesi aqqında: aytışmalar “rusiyeniñ kapitulâtsiya aktı”na beñzer

18 November 2022

Qırımtatar Milliy Meclisiniñ başı Refat Çubarovnıñ fikire köre, Qırımnı işğalden azat etüvge dair mümkün olacaq aytışmalar, “rusiyeniñ kapitulâtsiya aktı”na beñzer. Qırım.Aqiqatqa tefsir bergende Çubarov bu aqqında haber berdi.

– Añlaşılır ki, yarımadanıñ topraqlarında qanlı küreşmelerden qaçınmağa isteymiz ve olarnıñ olmamaları içün ellerimizden kelgeni er şey yapacaqmız. Çünki beklenilir ki, rus-ukrain cenkiniñ soñ basamaqlarında Qırım işğalden azat etilir. Ve o vaqıt rusiyede içki çoq mesele olacaq. Men şahsen tüşüne bilirim ki, Qırımnıñ azat etilmesi, şu cümleden rusiyeniñ kapitulâtsiya aktına beñzeycek bu tür aytışmalar ceryanları vastasınen keçirilir, – dep Çubarov ayttı.