Çubarov: Qırım tüşüngenlerinden daa erken Ukrainağa qaytacaq

22 Noyabr 2022

Ukraina Silâlı Quvetleriniñ Qırımnı Donbastan daa erken işğalden azat etecekleriniñ obyektiv sebepleri bar. “Apostrof TV”ge Qırımtatar Milliy Meclisiniñ başı Refat Çubarov bunı bildirdi.

– Fikrimce, Qırım Donbastan daa erken azat etilecek. Buña yardım ete bilgen bazı sebepler bar, – dep ayttı.

Meclisniñ başı diqqatni celp etti ki, NATOnıñ azaları olğan Bulğaristan, Romaniy ve Türkiye ülkeleriniñ Qara deñiz yalısı bar.

– Olae içün gemiler içün telükesizlikni temin etmek ve başqa telükesizlik meselelerini al etmek müimdir. Misal olaraq Rusiyeniñ Süriye arbiy yüklerni ketirmemesi içün. Bunıñ içün endi yaqın kelecekte Qırım azat ola etile bilir. O işdeşlikçiler – Qırımnıñ rus reberleri – telüke duyalar ve telaş eteler, – dep Çubarov añlattı.

Onıñ sözlerine köre, “gauleiterler, Moskvanıñ terkibine alğan topraqlarnı qorçalap qorçalamaycağı aqqındqa şübelenmege başladılar”.