Cemilev: kelecek seneniñ ortasında Qırım işğalcilerden azat etilecek

14 Dekabr 2022

Ukraina arbiy istihbaratınıñ bilgilerine köre, fevral ayında Qırımnı azat etüv operatsiyası başlaycaq ve belki de kelecek seneniñ ortasında yarımada işğalcilerden azat etilir. QIRIM.Newske intervyü bergende qırımtatar haqlınıñ lideri, Ukraina halq mebusı Mustafa Cemilev bunı bildirdi.

– Ukraina, Qırımdaki arbiy obeyktlerge ateş açtı: Aqyar, Canköy, Bağçasaray ve başqa şeerlerde. Qırımda arbiy arekletlerniñ faal olmağanına baqmadan cenkniñ yarımadağa kelgenini aytmaq mümkün, – dep ayttı.

Cemilev qayd etti ki, USQniñ muvafaqiyetleri, Qırımdaki qırımtatarlarnı quvandıra, çünki yarımadanı azat etüv perspektivası peyda ola ve bu da ruslarnı ıncıtalar. 

– Qırımnıñ işğalinden soñ yarımadağa yaşamağa ketken ruslar, öz evlerini satın alıp yarımadadan çıqmağa ıntılalar. Biz ruslarnı vaqıt coymayıp Qırımdan çıqmağa çağırdıq, çünki Keriç köprü patlansa, bunı yapmaq daa zor olur, – dep ayttı.

Noyabr ayınıñ 20-sinde Cemilev bildirdi ki, Qırım arbiy yolnen azat etilecek, işğalden azat etüv barışıq yolu imkânsızdır.

Bundan ğayrı, qırımtatar halqınıñ lideriniñ sözlerine köre, mobilizatsiya ilân etilgen soñ çoq qırımtatar, öz kişileri, ukrain ordusına qarşı cenkleşmemek içün Qırım yarımadasından çıqmağa mecbur oldı. Biñlerce insan Avropa ülkeleri, Türkiyege kettiler, amma Qırımtatar Milliy Meclisi halqqa muracaat etkende yarımadadan çıqmağa çağırmadı.

– Biz olarğa Qırımda qalmağa tasviye etmedik, amma epis müddeti telükesi astında bile Ukrainağa qarşı cenkte asla iştirak etmemege çağırdıq. Buña baqmaqdan çoqusı Qırımdan çıqtı, amma Türkiyede qarşılağanım insanlarımıznıñ çoqusı vatanına eñ çabik tarzda qaytmağa arzu ete, – dep ayttı.

Cemilev hatırlattı ki, rus işğal ordusında cenkleşmege istemegenlerge qarşı Qırımda makeme davaları açıldı.