Canköy ve Aqyarda patlamalar

26 Sentâbr 2023

Berim ayınıñ 26-sınıñ gecesi işğal etilgen Qırımnıñ sakinleri, patlamalar duydılar. Birinciden işğal etilgen Canköy şeeriniñ sakinleri, patlama sesini duydılar.

İşğal akimiyeti, Aqyardaki Belbek arbiy uçaq limanı yanında raketa tüşürgenini bildirdi. İşğal etilgen şeerniñ böyle degen “gubernator”ı Mıhaylo Razvojayev, bu aqqında haber berdi, dep Rakurks bildirdi.

Bundan evel Aqyarda ava telükesi ilân etildi, o sebebinden deñiz ve topraq naqliyatı toqtatıldı. Bundan ğayrı, Qırım köpründe naqliyat areketi deyerli bir saat içün toqtatıldı.

Aynı zamanda içtimaiy ağlarda yazğanlarına köre, ruslar Qırım uçaq limanlarındaki bütün uçaqlarını avağa ketirdiler.