Belbek uçaq alanı yayında “pamuq” patladı

19 Oktâbr 2022

Aqyarda bir patlama eşitildi. İlk bilgilerge köre, ava mudafaa aleti işledi, uçucısız bir uçaq sanki yoq etildi, onıñ viraneleriniñ qısmı mesken evge tüşti, dep FAKTI haber berdi. Şaatlarnıñ körgenlerine köre, eñ az beş küçlü ses eşitildi.

Odesa vilâyet arbiy memuriyetiniñ operativ ştabınıñ mesleatçısı Serhiy Bratçuknıñ añlatqanına köre, “saba “pamuğı” Belbek rayonında patladı”.

– Er vaqıtki kibi, işğalciler “ukrain izi” aqqında yalan aytalar, – dep Serhiy Bratçuk Aqyardaki vaziyetni tefsir etti.

Fakat rus tecavuzcıları vaqianı Râzan vilâyetinde dronnıñ tüşmesinen bağlı haberler içün qullanğanları fotonen tesvir ettiler.